والله انا بدي ابلش من الناحية النفسية ..
بصراحة انا ما عندي اي مشاكل بالشؤون الاكاديمية او مستوى التعليم او حتى مستوى القبول و معدل التوجيهي
لكن عندي و عند كل طلاب الجامعة مشاكل بخليهم كتير يكرهو الجامعة و يملو منها
من هالمشاكل انه ما في مكان نقعد فيه بالصيف و بنضل تحت الشمس و بالشتى بالهوا و المطر
تاني اشي مشكلة مواعيد المحاضرات المتأخرة الي بتكون محاضرة الصبح و التانية العصر و اكيد ما فيك بالمرة تعدل برنامجك لانه ما بزبط الا هيك ...
و طبعا مشاكل طلاب الجامعة بين بعضهم الي بتعمل حالة نفسي كتير مششش منيحة عند الطلاب و بتحسسنا انه احنا مش بجامعة و ما في احترام للجامعة !!!!
مشكور على المدونة ومعلش اتحملو تعليقي الي كلو مشاكل و بهدلة للجامعة بس هادا الي بسير

ص معك حق يا حلا والله هادي هي بالزبط اهم مشاكل موجودة بجامعتنا
مشكورة على مشاركتك و بنتستنى باقي الاعضاء يشاركونا

مرحبا
مشكورين كتير على المواضيع الحلوة والمناقشة المفيدة
بصراحة انا كمان اكتر اشي بزعجني مشاكل الشباب في بعضهم بالجامعة
بيعملوا جو من الرعب بعد ما انقتل الشب الي من السواحرة ( الله يرحمو )
وهلا كل ما يسير مشكلة الواحد بتوقع تحصل كمان جريمة انشاء الله بعيد الشر
بس انشاء الله ما يسير مشاكل
مشكورين على المنتدى الحلو